அவர் சரியான சினிமா பைத்தியம்னு எப்படி சொல்ற
'ஜோ' ன்னு மழை பெய்யுதுன்னு சொன்னா சரியான அவுட் டேட்டட் மழையா இருக்கே, 'தமன்னா'ன்னு இல்லைன்னா 'அனுஷ்கா'ன்னு தானே பெய்யனும்னு சொல்லிட்டு போறார்
------------------------------------------------------------------------------------------------------
எதுக்குய்யா அந்த வியாபாரி மழையும் அதுவுமா திடீர்னு அத்தனை பாய் வாங்கிட்டு போறார்
மழைல வியாபாரம் படுத்துடுமாம்.. அதான்
-------------------------------------------------------------------------------------------------------
மழையில சென்னை நகரமே மிதக்குதுன்னு வந்த செய்தியை தலைவர் தப்பா புரிஞ்சுகிட்டார்னு நினைக்கிறேன்
ஏன்
வீட்டுக்கு ரெண்டு துடுப்பு கொடுக்க சொல்லி உத்திரவு போட்டிருக்காரே...
------------------------------------------------------------------------------------------------------
என்னாச்சு
மழை நீர் வடிய ஆளுங்கட்சியினர் கால்வாய் கட்டியிருப்பதாக கூறுகிறார்கள்.. 'கால்'வாய் போக மீதி முக்கால் வாய் எங்கே… ஊழல் செய்தது யார்னு கேட்டு மானத்தை வாங்கிட்டார்….
------------------------------------------------------------------------------------------------------
மழை பெய்தா லீவ் விடறாங்க.. அப்போ லீவ் விட்டா மழை பெய்யனும்ல..
அப்டின்னு கேட்டு டீச்சரையே குழப்பிட்டான்…
------------------------------------------------------------------------------------------------------
கடவுள் கொடுத்த கொடை மழைன்னு சொல்றாங்க.. அது 'குடை' மழையா இருந்தா நாம எப்படி நனைவோம்... இது கூட தெரியாமல் அரசியல் நடத்துகிறார்கள் எதிர்க்கட்சியினர் அப்பிடின்னு பேசிட்டார்..
கருத்துகள் இல்லை:
கருத்துரையிடுக